Тимот на Сакраменто Кингс ќе го испрати Предраг Стојаковиќ во легендите откако решија да го повлечат неговиот дрес (16) од употреба.
Стојаковиќ цели осум сезони успешно го носеше дресот на „кралевите“, а нив ги засили од драфтот во 1996 година, но титулата во НБА лигата освои со екипата на Далас во последната сезона од кариерата.
– Годините кои ги поминав играјќи во дресот на Сакраметно беа најдобри во мојата кариера. Имав одлични соиграчи и многу сум среќен за се што успеавме да направиме – рече Стојаковиќ.
Неговиот дрес ќе биде повлечен на 16 декември на дуелот со Оклахома Тундер во арената од Сакраменто.
Пред пет години „кралевите“ го повлекоа дресот со број 21 кој го носеше Владе Дивац, а сега друштво ќе му прави дресот од Стојаковиќ со број 16.
Мх.П.
