Новиот менаџер на Манчестер Јунајтед, Луис ван Гал од почетокот на сезоната па се до сега не може да крене глава од проблеми со повредени играчи.
Најнов на оваа листа е шпанскиот интернационалец Андер Ерера кој на дуелот со Вест Хем скрши едно ребро и беше заменет во 74-та минута.
Ерера на листата повредени играчи им се приклучи на Ешли Јанг, Мајкл Керик, Мароунае Фелаини, Џеси Лингард, Крис Смајлинг и Фил Џонс.
Кога на сево ова ќе се додаде и суспензијата на Вејн Руни на три натпревари за црвениот картон против „чеканите“ холандскиот стручњак ќе има сериозни проблеми за мечевите кои доаѓаат.
Мх.П.
