Административните службеници, магистри и доктори на науки, од следната година ќе имаат исти плати како и останатите административци со високо образование, пишува денешен „Вест“.
Во досегашното решение, кое требаше да стапи во сила во февруари идната година, платите на административците требаше да се пресметуваат според степенот на образование. Докторите на науки имаа 250 бодови, магистрите 225, додека тие само со високо образование 200 бодови.
Во измените и дополнувањата на Законот на административни службеници, предложени од Министерството за информатичко општество и администрација, првите две основни компоненти на плата се бришат и сите административци со високо образование, магистри и доктори на науки ќе имаат по 200 бодови, односно ќе имаат исти плати.
OhridNews
Извор:„Вест“
