Несекојдневно , необично, спортски и опуштено. Вака изгледаше училиштето “Ванчо Николески” и спортскиот полигон во Лескоец. За првпат во регионов, а по повод крајот на учебната година, беа организирани синдикални спортски игри за сите наставници од училиштата во Лексоец, Косел, Куратица и Вапила.
Беше возбудливо ,беше распеано и разиграно, а особено на кошаркарските натпревари на кои се пријавија 6 (шест) екипи и сите упорно и спортски со фер-плеј се бореа за освојување на бројните и вредни награди за кои се погрижи синдикалниот лидер проф.Димче Донески, кој освен за победниците – екипата на “СЕДЛО”- обезбеди и награди за сите други (“Однесени од виорот”, “Огнени девојки”,”Годинама”, , “Скромни” па дури и за последните т.н.”тапа”- играчи (“Пиец”) со најнезавидни резултати.
Особено изненадување беше и наградата за најгрлат навивач, награда која ја освои наставничката по математика Цвета Андреевска. Наградите , пак, беа многу и вредни : освен торта, пехар и шампањско за победниците од екипата Седло*, имаше вредни награди и за вторпласираните, за третопласирните и за другите екипи кои учествуваа на спортските синдикални игри. Вредно е да се споменат имињата и на добротворните донатори кои ја покажаа својата благородна душа : “Дон-маркет”, “Себо”, “Еурокел”,”Нетто-маркет”(градски пазар), земјоделски аптеки “Агронова 91” и “Агролек”,”ЕЛЛЕ-Охрид”, “До 99 ден”, фирма “Игор” од Лескоец и други…
Најефикасниот стрелец (Крсте Чалоски), најпожртуваниот играч (Елеонора Георгиевска), како и најатрактивната натпреварувачка- библиотекарката (Маре Ристеска) добија по една саксија-цвеќе од градината на Јули и Тина од Косел. За сите учесници и за сите присутни беше отворено победничкото шампањско и беше пресечена и поделена голема и многу вкусна торта во вид на кошаркарска торта.
Ваквата спортско – рекреативна приказна бепе организирана и реализирана од синдикалниот лидер проф. Димче Донески и училиштето “Ванчо Николески” .
-Фотографиите нека Ви го раскажат денот и успешната приказна за тоа како треба да се дружиме како колектив и како можеме да си го направиме денот убав. За наше заедничко добро . Ова се само први вакви синдикални игри.Следните ќе бидат со многу повеќе учесници од многу повеќе училишта и, секако , со многу поголеми и пријатни изненадувања. Дотогаш посакуваме летни дружења и незаборавни доживувања – ни рекоа организаторите на игрите во Лескоец. !
OhridNews
фото “Дим Дон“
© Ohridnews.com. All rights reserved.
The content of this article, should not be printed, copied or published in any way, without permission by Ohridnews.com