Вчера, во 21.40 часот во струшката Полициска станица , од страна на родител било пријавено дека истиот ден околу 21.00 часот, од страна на непознати лица, неговата ќерка насилно била изнесена надвор од куќата, ставена во патничко моторно возило „Мерцедес караван“, во која имало уште две непознати лица лица кои зборувале на турски јазик и одведена во непознат правец.
Девојката била возена околу 30 минути, при што од страна на лицето кое седело до неа, во задниот дел од воизлото, на неколку пати со подесен остар предмет и биле нанесени гребнатини на телото преку облеката. Додека се враќале назад кон нејзиниот дом и биле упатени закани на албански јазик, кажувајќи дека сега им бил редот на татко и и брат и.
Кога се приближиле до нејзиниот дом, таа била оставена на улицата пред куќата. Истата се изјаснила дека лицата не и се познати.
Полициската станица -Струга презема мерки за пронаоѓање на сторителите и целосно расчистување на случајот.
OhridNews
