По изнесените ставови на граѓани, екологисти, туристички работници, локалната самоуправа и други, за најавената голема инвестиција на индискиот милијардер Субрата Рој во Охрид, мислење побаравме од пратеникот на владејачката ВМРО ДПМНЕ, Александар Николоски, кој одблиску е запознаен со проектот, а учествуваше и во донесувањето на серијата закони од областа на туризмот кои треба да ја овозможат големата инвестиција.

Николоски изрази задоволство што компанијата на Субрата Рој изрзува интерес за инвестирање во Охрид, што според него се должи на создадените услови од страна на државата.

-Интересот на една од врвните светски компании во светот “Сахара Индија Паривар“ за инвестиции во Охрид и на крајбрежјето на Охридското езеро само покажува дека даваат плод бројните мерки за привлекување странски инвестироти, туристичката промоција на Охрид на највлијателните светските медиуми, како и законите кои се донесоа во оваа насока, како што  е намалувањето на ДДВ од 18 на 5% за туристичката дејност, Законот за заштита на старото градско јадро, Законот за туристички развојни зони и сл. “ Сахара Индија Паривар“ е една од водечките компании во светот. Со оптимизам гледам на најавата и се надевам дека компанијата ќе го релзизира овој комплекс којшто ќе значи десетици илјади нови туристи во Охрид, со што директен бенефот ќе има Охрид и охриѓани, не само преку дирекните вработувања во овој комплекс, туку и преку индирекните заради тоа што за да се услужат толку голем број на туристи потребно ќе е да се ангажира голем дел од градот и околината.-изјави за OhridNews Николоски.


Тој смета дека позитивни ефекти најавената инвестиција ќе има и врз економијата особено на градежните компании. Но најпозитивно, вели Николоски, е тоа што ќе се отворат нови перспективи за младите.

– Сметам дека ова е можност и потик пред се за младите луѓе да вложат во себе, во своето знаење и вештини, да научат јазци и да станата компетитивни за еден ваков проект во којшто би можеле да ја видат својата иднина.-рече Николоски.

Пратеникот Николоски потенцираше дека овој проект е добро примен и подржан и од хотелиерите и туритичките работници на Охрид, како и од екологистите, што, според него, се должи на најавите дека при изработката на супер луксузниот комплекс во Љубаништа ќе бидат запазени највисоките светски стандарди за еколошка заштита.

– Се надевам дека ова ќе е една одлична можност за силен развој на туризмот, од наша страна како Собрание на Р. Македонија ќе сториме се таа да се реализира, како што беше и досега со носење на бројни закони кои ја отвораат Македонија за странски инвеститори, додава Николоски, нагласувајќи дека верува во успех на оваа иницијатива.