Со нови проекти се работи на целосно решение и стабилизација на најпроблематичните косини на трасата на автопатот Кичево-Охрид, вели министерот за транспорт и врски Александар Николоски. Посочува дека интензивно се работи на најтешкиот дел од автопатот Охрид – Кичево.
Дека има проблем со проектирање на косините кои треба да ја стабилизираат земјата за да не се свлече, за да нема инциденти, посочи деновиве и премиерот Христијан Мицкоски.
Имаме мал проблем со проектирање на косините кои треба да ја стабилизираат земјата за да не ни се свлече, за да нема инциденти, на линија се со потпретседателот на Влада и жестоки сме со таа компанија која си игра мајтап со трпението и мислам дека треба да престанат да си играат мајтап и да го заврши тоа што требаше во февруари, па се продолжи до октомври и сега пак бара рок до февруари, рече Мицкоски.
Министерот Николоски, пак, најави дека до нова година ќе се пушти во употреба и делницата од автопатот Охрид – Кичево кај Требеништа и дека сите села во Општина Дебрца ќе бидат соодветно поврзани со пат.
Во одонос на барање одговорност од некој за бавната изведба на автопатот Охрид – Кичево, министерот истакна дека по завршување на изградбата јавно ќе ги изнесе сите детали поврзани со овој капитален инфраструктурен проект, а на правосудството е да оцени дали нешто ќе преземе во врска со тоа.
Н.С.Ј.
