Според последните утрински мерења, нивото на Охридското Езеро опаднало за еден сантиметар во однос на вчерашниот ден и сега е 23 сантиметри над максималната дозволена кота 693,75 м.н.в.што претставува намалување од три сантиметри во споредба со највисокиот водостој достигнат на крајот од минатата седмица.
Значително е опаднат и водостојот на реките во сливнот на Охридското Езеро. Водостојот на Сатеска во споредба со вчера е опаднат на 58 од 65 сантиметри, додека Коселска Река од 57 на 55 сантиметри.
Од Охридското Езеро во Црн Дрим од испустот кај Струга се испуштаат 68 метри кубни во секунда.
Според податоците на Управата за хидрометеоролошки работи претстои стабилизирање на времето, што поволно ќе влијае во насока на нормализирање на хидролошката состојба.
OhridNews
