Повеќе од два месеци во Охрид работи новата фудбалска школа Охрид 10 јуниор. И покрај тоа што започнале со работа од Октомври и не го “фатиле“ стартот на школската година, велат дека се задоволни од одзивот.
– Полека полека ние го градиме нашиот пат, сакаме децата во нашата школа да бидат не само добри спортисти туку и личност кои ќе бидат воспитани во добри манири – вели Павлeски Никола.Во школата има околу 40 деца, а Павлески и Ристески тренерите во школата се одлучија и за неколку помлади асситенти. – Во школата вклучивме и неколку асистенти меѓу кои и Илчески Аце, планираме да ја прошириме таа листа, тие се млади деца кои сакаат да го печат овој занает – вели Ристески Благоја.
Младите фудбалери во зимскиот период тренизните ќе го одржуваат во спортската сала “Билјанини Извори“, додека кога ќе се создадат услови ќе “излезат“ на градскиот стадион.
М.П.
