400 нови вработувања се предвидени до крајот на оваа година во јавното здравство, најави вчера Министерот за здравство Никола Тодоров.
Според него, овие вработувања наменети за доктори, медицински сестри, болничари и друг медицински персонал, се дел од ветените 800 во здравствениот сектор за тековната 2013-та година.
Покрај во здраството, распишани се и огласи за масовни вработувања на државни службеници во Агенцијата за катастар и недвижности и агенцијата за администрација. Ова ќе доведе до дополнително оптоварување на буџетот, реагира опозицијата, јавува „Телма“.
Неоддамна, за зголемената превработеност во администрацијата реагираше и Европската комисија која во извештајот за напредокот на Македонија упати критики до Владата во однос на начинот на вработување .
OhridNews
