Од оваа година охридската Гимназија воведува новини во уписот на ученици, кој за прв пат ќе се врши по електронски пат. Пријавувањето на учениците ќе се врши преку новиот модул внесен на активната веб-страна на училиштето www.gimnazijaohrid.com a повеќе информации можат да се добијат на следниот линк:http://gimnazijaohrid.com/images/gimnazija/upatstvo.pdf
Во изготвувањето на оваа новина учествуваа секретарот на училиштето Бојан Петровски и професорот по информатика Жаклина Лазаревска, а програмска и административна поддршка даде Георгиј Лазаревски студент од II година на Универзитетот “Свети Апостол Павле” од Охрид.
Уписите за учебната 2011/2012 година во ОСУ “Св. Климент Охридски” ќе се вршат на 29 и 30. 06.2011година.
Инаку, денеска на свечен час им беа доделени свидетелствата на учениците во
средното училиште „Св. Климент Охридски“ од прва до трета година за
учебната 2010/2011 година.
OhridNews
