Новото болничко крило во рамки на охридската Општа болница, во понеделник, ќе стартува со прием на пациенти по што ќе следи пробен период на работа до целосното привршување на подготовките за нормален тек на работа во овој дел од Општата болница.
Апаратурата е инсталирана, поставени се болничките кревети и сиот потребен инвентар.
Се очекува во текот на наредните неколку дена министерот за здравство, Никола Тодоров, со пригодна свеченост да го означи и официјалниот старт со работа на објектот во кој на 5300 метри квадратни ќе функционираат хируршкото одделение, урологија, гинекологија, одделението за уво грло и нос.
Новиот здравствен објект е изграден според сите најнови стандарди во делот на медицината, што ќе овозможи подигнување на квалитетот на здравството во Охрид и поширокиот регион.
OhridNews
