„Сите книги во библиотеката се заштитени, односно не е како што се кажува дека тие се чуваат во несоодветни услови.“ – изјави директорката на НУ Градска библиотека „Григор Прличев“ – Охрид, Александра Белевска, демантирајќи ги обвинувања кои вчера беа упатени на протестот што го организираше општинската организација на СДСМ пред оваа установа.
Според Белевска, книгите се наоѓаат во климитазирани простории кои се опремени со соодветна опрема за заштита на книжниот фонд.
„Во просториите има навлажнувачи и освежувачи кои ги обезбедуваме преку проект кој ни го одобрува Министерството за култура, кој веќе две години сме обврзани да го спроведуваме.“ – додава Белевска.
Инаку, во текот на вчерашниот ден Здружената опозиција предводена од СДСМ, одржа протест пред градската библиотека во Охрид, истакнувајќи дека книжниот фонд во оваа државна институција е несоодветно сочуван.
OhridNews
