Вчера во 18,00 часот во Полициската станица во Струга, 39 годишен жител на.Горно Татеши–Струга, пријавил дека околу 14,30 часот додека бил на м.в.„Долно Тоски“, атар на с.Г.Татеши, кон него, еден од синовите на соселанец истрелал неколку рафали со автоматско оружје, но не го погодил.
Од страна на УПС е излезено на наведеното место, каде се пронајдени и подигнати за вештачење 14 чаури и еден проектил кој бил во непосредна близина на моторциклот на нападнатиот а кој проектил претходно го пробил седиштето на моторциклот. По увидот на лице место, со наредба на истражен судија извршен е претрес во домот и помошните простории на осомничените за нападот во с.Горно Татеши, каде на околу два метри од куќата под запрежна коњска кола пронајдена е една автоматска пушка без сериски број и една рамка со девет куршуми, а исто така при претресот, одземени се и една ловна пушка, еден ловен карабин и пиштол марка „Црвена Застава“ М-57, кои ги поседувал со дозвола, соопшти полицијата.
Таткото и двајцата синови осомничени за оружениот напад се приведени во ПС-Струга. Се преземаат мерки за целосно расветлување на случајот.
OhridNews
