Од министерството за труд и социјална политика информираат дека е објавен огласот за мерката општинско корисна работа. Предвидено е оваа година преку оваа мерка 200 невработени лица во социјален ризик да бидат ангажирани од страна на општините, при што ќе имаат можност да го надградат своето знаење и да им се зголемат шансите за нивно понатамошно вработување. Невработените лица ќе бидат работно ангажирани во период од 6 месеци за што ќе добиваат парична надоместок од 6200 денари.
Од министерството за труд и социјална политика нагласуваат дека оваа мерка помага кај потешко вработливите лица, да добијат работни навики и полесно да се вработат.
Оваа мерка се реализира од 2012 година и досега во неа учествувале 540 лица при што биле постигнати 140 вработувања.
OhridNews
