По изминати четири часа во водите на Охридското езеро група од шест пливачи го диктира темпото до целта каде преостануваат уште помалку од 9 километри.

Во предноста неизменично се менуваат аргентинецот Гилермо Бертола и македонскиот маратонец Евгениј Поп Ацев. Следат двајцата италијанци Едуардо Стокињо и Андреа Волпини,  десеткратниот победник на Охридскиот маратон Петар Стојчев, како и водечкиот во генералниот пласман Трент Гримси.


Во женска конкуренција во водство се русинките Александра Соколова и Ана Уварова, пред маратонката од Чешка Силвија Рибарова.

На стартот од трката се појавија 29 пливачи од пријавените 30, бидејќи Александар Илиески не можеше да настапи од здравствени причини.

До овој момент нема други откажувања од маратонската трка, последна од Светскиот куп на ФИНА за оваа година.


Маратонците го минаа Елешец

Првите маратонци се очекува на целта да пристигнат по 17 часот.

ОhridNews