Пожарот кој утрово изби во куќа во стариот дел од градот е локализиран. Противпожарните екипи сеуште се на терен и го гаснат пожарот, но спречено е негово понатамошно ширење.

Како што информираат од Противпожарната служба, и покрај тешкиот пристап затоа што објектот бил лепенка со уште четири до пет куќи, екипите успеале да го локализираат пожарот и да спречат да зафати и дел од останатите куќи. Во пожарот во целост е уништена кровната конструкција и поголемиот дел од објектот.


Местото на настанот го посети и градоначалникот Александар Петрески, кој вети дека локалната самоуправа ќе направи напори да помогне при санирањето на направената штета.


Пожарникарите спасија поголема катастрофа

Пожарот изби утрово околу 9 часот и 20 минути. Во гаснењето учествуваа четири екипи од Противпожарната служба и 20 пожарникари.

Првичните информации говорат дека пожарот избил поради неисчистен оџак.

OhridNews
фото: Емилио