66- годишниот ловџија од Охрид кој утрово беше нападнат од мечка додека бил на лов во Дебрца, во околината на селата Песочан и Ново Село, се здобил со тешки телесни повреди, но е надвор од животна опасност.
Како што информираат од Специјалната болница за ортопедија и трауматологија „Св. Еразмо“, претпладнето ловџијата бил донесен во многу тешка состојба со сериозни повреди на десната страна од телото. Веднаш била извршена хируршка интервенција која траела 5 часа.
Очекувањата на лекарите се дека здравствената состојба на повредениот ловџија постепено ќе се стабилизира.
Т.К.
