Повеќе од половина час сообраќајот на планинскиот премин Пресека вечерва беше во прекин во двата правци поради излизгување на товарно моторно возило на коловозот.
Како што информираше портпаролот на СВР Охрид Стефан Димовски, возилото било отстрането од коловозот, а сообраќајот нормализиран.
Поради снежни врнежи претходно беше воведена забрана за товарни возила на превојот Стража и на Маврово, но не и на Пресека. По инцидентот, вечерва воведена е забрана за движење на тешки товарни возила и на планинскиот превој Пресека.
Сериозни проблеми на овој планински превој имаше и минатата година, токму околу новогодишните празници, кога стотици граѓани и туристи со часови, а некои со денови останаа заглавени во снегот поради неефикасноста на службите одговорни за одржување на патиштата.
OhridNews
Фото: Архива
