Забраната за сообраќај за тешки товарни возила на планинскиот превој Стража е укината во 9 часот и 50 минути. Поради врнежи од снег, забрани за движење на тешки товарни возила се уште има на патните правци Маврово – Дебар и Тетово – Попова Шапка, каде има и забрана за движење на автобуси, информираат од АМСМ.
Сообраќајот на останатите државни патишта се одвива без забрани, по влажни коловози. Снег со слаб интензитет паѓа во северозападниот и југозападниот дел од државата, наместа со остатоци од снег на коловозите.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево, Виница – Берово каде е можна почеста појава на одрони.
Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата. Од АМСМ ги потсетуваат возачите на законската обврска за поседување на зимската опрема во возилата, без оглед на моменталната временска состојба. Таа обврска ќе трае до 15 март.
OhridNews
