Министерството за труд и социјална политика го пролонгира рокот за обновување на документацијата на корисниците на социјална парична помош, до 13 декември. Одлуката за пролонгирање на рокот, министерот за труд и социјална политика, Спиро Ристовски ја донесена поради големите гужви што се создадоа пред истекот на рокот во центрите за социјална помош и неможноста да бидат примени сите апликации.
,,И овојпат нашиот менталитет да се прави се во последен момент создаде големи гужви пред центрите за социјална работа. Ние не сакаме никого да ставиме во непријатна ситуација со тоа што ќе ги затвориме. Затоа дадов интерна наредба рокот да се пролонгира до 13 декември. Издадов и инструкција да се работи и оваа и наредната сабота. Со тоа обезбедуваме дополнителни девет работни дена за сите кои не стигнале да аплицираат да го направат тоа, изјави министерот за труд и социјална политика, Спиро Ристовски.
Министерството за труд и социјална политика побара обнова на целосната документација за корисниците на социјална помош, поради сомневања дека има лица кои ја добиваат, а не ги исполнуваат условите за тоа и средствата коишто неосновано ги добиваат овие лица би можеле да бидат искористени за зголемување на висината на помошта на лицата на кои навистина им е потребна.
