Во 3.30 рано утринава, судиите на претходна постапка ги напишаа решенијата со кои ги ослободуваат од притвор осомничените во случајот Титаник, јавува „Телма. Прв од Основниот Суд Скопје 1, каде што цел ден беше на распит, излезе градоначалникот на Пустец, Едмонд Темелко, а по само половина час и поранешниот министер за транспорт и врски, Миле Јанакиески. Двајцата заминаа со приватно возило, што беше знак дека барањето за притвор на специјалното обвинителство е одбиено.
Ниту тие ниту нивните адвокати кои со часови ги чекаа решенијата не сакаа да ги коментираат обвинувањата на обвинителството дека се вклучени во изборни нерегуларности на изборите во 2012-та.
Од осумтемина осомничени за кои се бара притвор, во текот на вчерашниот ден се појавија само четворица. Меѓу нив не беше поранешната министерка за внатрешни работи, Гордана Јанкулоска и секретарот на влада, Кирил Божиновски.
Се очекува во наредните денови во судот да се појават и останатите осомничени во првиот случај на специјалното јавно обвинителство.
OhridNews
извор:„Телма“
