Јавното обвинителство отвори предмет за случајот со интонирањето на химната на Албанија н првиот академски час на Државниот универзитет во Тетово. Истовремено побарано е од полицијата да утврди кој е организатор, против кој доколку се обезбедат потребните докази ќе биде покрената кривична постапка за „предизвикување на национална, расна и верска омраза“
На свечениот час на Државниот универзитет во Тетово на 17 септември кој почна со интонирање на албанската химна, присуствуваше и заменик-министерот за образование и наука Сафет Незири, кој тогаш истакна дека случајот не треба да се проблематизира бидејќи станува збор за химна на албанското знаме, а не химна на друга држава.
Чинот го осуди министерот Кралев кој ги повика надлежните институции да преземат соодветни законски мерки.
