Над 32 илјади вработени во образованието и науката од 1 јануари ќе добијат повисоки плати за 10 проценти. Спогодбите беа потпишани денес, во Владата, меѓу Самостојниот синдикат на образование наука и култура (СОНК) и Министерството за образование и наука.
Повисоки плати ќе добијат околу 20.000 вработени во основното образование, 8.000 во средното, 4.500 во високото образование и 220 вработени во научните институции.
Како што изјави министерот за образование Арбер Адеми, со ваквиот чекор се подобрува материјалниот статус на вработените во образованието.
Претседателот на СОНК, Јаким Неделков на прес-конференцијата изрази задоволство од постигнатиот договор и го поздрави коректниот социјален дијалог што е воспоставен во Владата и со Министерството за образование и наука кој донесе позитивен исчекор со кој беше постигнато историски највисокото покачување на платите во образованието во толку кус период.
OhridNews
