До крајот на овој месец ќе се знае новата цена на електричната енергија што граѓаните ќе ја плаќаат од 1 јули 2014 година и ќе важи до 1 јули 2015 година. Во Регулаторната комисија за енергетика во моментов се прават пресметките и засега од таму не сакаат да обелоденат колку ќе чини киловат-час електрична енергија за домаќинствата, пишува весникот „Вечер“.
Моментално домаќинствата во Македонија плаќаат цена на струјата од 80 евра за мегават-час, со вклучени 33 отсто за инсталирана моќност. Последното поскапување на цената на струјата во Македонија се случи во август 2012 година и достигна 9,83 %.
Какви ќе бидат годинешниве пресметки ќе се знае за десетина дена. Според експертите поплавите во регионов нема да влијаат на цената, но сепак стравуваат од украинската криза, бидејќи евентуалниот недостаток на природен гас може да донесе повисоки цени на другите енергенси, како што е струјата, нафтата и мазутот.
OhridNews
