Од денес, годишните даночни пријави до Управата за јавни приходи можат да се поднесуваат по електронски пат .Пријавите може да се поднесуваат на веб страницата на УЈП со пополнување на личните податоци и со обезбеден електронски потпис од овластениот издавач КИБС и Македонски телеком. Електронскиот потпис чини околу 900 денари, а освен за даночните пријави може да се користи и за сите останати електронски услуги.
Промовирање на електронскиот начин на поднесување на годишните даночни пријави изврши министерот за информатичко општество и администрација, Иво Ивановски.
Од Управата за јавни приходи појаснуваат дека електронскиот потпис што го користат банките за целите на е-банкарство исто така можат да се користат и за е-даноци, доколку се издадени од Македонски телеком и КИБС. Граѓаните кои имаат потпис за користење електронски услуги на други институции, како што се Агенцијата за вработување, Царинската управа, Централниот регистар може да го користат и за е-даноци.
OhridNews
