Од населбата „Гоце Делчев“ со апел за редовно чистење на снегот од улиците на населбата

Жители од населбата „Гоце Делчев“ реагираат дека екипите од ЈП „Охридски комуналец“ соодветно не го чистат снегот од улиците од населбата.

–    Имајќи во предвид дека се работи за населба со специфична местоположба и со тесни улички и опасни кривини, опасноста по жителите и нивните животи дополнително се зголемува со паѓањето на снегот. Потребно да се чистат улиците од снег навремено (одма после неговото паѓање со возило со корпа). Овој начин е најдобар, а никогаш не се применува во населбата. Обично се врши посипување со мали количини на песок и сол. Овој метод не го решава проблемот, велат меѓу другото жителите .

Од ЈП „Охридски комуналец“ потенцираат дека снегот во оваа населба, како и од останатите улици во градот, навреме се чисти и дека од нивна страна се преземаат сите мерки за безбедно движење на возилата и пешаците.