Согласно најновата одлука на регулаторната комисија за енергетика, од ноќеска на полноќ бензините ќе поскапат за 1,5, односно два денара за литар, а дизел горивата за 2,5 денари по литар.
Малопродажната цена на ЕУРОСУПЕР БС-95 се зголемува за два денара за литар и ќе изнесува 79,50 денари, додека ЕУРОСУПЕР БС-98 поскапува за 1,50 денари за литар и ќе чини 81 денари. Новата малопродажна цена на ЕУРОДИЗЕЛ (D-Е-V) е 72,50, а на Екстра лесното масло за домаќинство (ЕЛ-1) 61 денар за литар.
За 2,114 денари се зголемува и малопродажната цена на мазутот М-1 НС кој ќе чини 46,140 денари за килограм.
OhridNews
