Од понеделник, 4 септември, судовите ќе почнуваат со работа во 7.30 и ќе завршуваат во 15.30 часот наместо како што беше досега, од 8.30 до 16.30 часот, одлучи Судскиот совет на денешната седница.
Претседателот на Судскиот совет, Зоран Караџовски, по седницата изјави дека за новото работно време се изјасниле и вработените во судовите и додаде дека Советот ќе следи како тоа ќе влијае врз ефикасноста на судовите. „Вработените во судовите, и судиите и судската администрација, недвосмислено се изјаснија дека им е подобро да работат од 7.30 часот. Ние го почитувавме тоа и сега ќе видиме, ќе следиме како тоа ќе влијае врз ефикасноста на работата на судовите“, рече Караџовски.
OhridNews
Макфакс
