Почнувајќи од први септември оваа година, жителите на Општина Вевчани ќе добијат можност да извадат регистерски таблички со ознаката VV, информираат од министерството за внатрешни работи.
Имено, изготвени се измени Правилникот за регистрационите подрачја за возилата и новото регистрационо подрачје што се воведува во Република Македонија е Вевчани – со ознака VV кое го опфаќа регионот на општина Вевчани.
Согласно Правилникот за Изменување на Правилникот за регистрационите подрачја за возилата и нивните ознаки, кој стапи на сила на 1- ви март годинава во Република Македонија, се воведоа 6 нови регистрациони подрачја за возилата и тоа Берово, Делчево, Виница, Неготино, Ресен и Свети Николе со што вкупниот број на регистрациони подрачја во Република Македонија од постоечките 17 во 2009 година се зголемии на 23 регистрациони подрачја.
OhridNews
