Од септември, годинава, за прв пат ќе започне реализација на заедничка студиска програма помеѓу Универзитетот „Св. Климент Охридски“- Битола, во чии рамки е и охридскиот Факултет за туризам и угостителство и универзитетот од Еберсвале- Германија.
Како што информира деканот на ФТУ, проф. Д- р Сашо Коруновски, во тек е акредитација за студиската програма на англиски јазик со двојна диплома со германскиот универзитет.
– Студентите кои ќе ја завршат на англиски јазик програмата ќе добијат диплома од нашиот универзитет и од универзитетот во Еберсвале. Драго ми е што годинава ќе започне овој прв обид за заедничка студсика програма со странски универзитет, вели професор Коруновски.
Деканот на ФТУ потенцира дека факултетот е отворен за соработка со останатите високообразовни институции во соседните земји.Досега веќе се остварени повеќе соработки со универзитети од Србија и Хрватска.
Т.К.
