Од утре започнуваат градежни активности за реконструкција на улица „7-ми Ноември“, информираат од Општина Охрид.
Проектот опфаќа изградба на нова атмосферска канализација, нови тротоарски површини и велосипедски ленти со автентичен материјал (украсен речен камен), спуштање на водовите на кабелските и другите оператори и реконструкција на коловозот, велат во соопштението.
Вредноста на проектот, додаваат, изнесува 39 милиони денари, а изведувач на градежните активности е АД „Илинден“ Струга.
Се молат граѓаните што живеат и гравитираат на овој дел од градот да се придржуваат до новиот сообраќаен режим, потенцираат од Општина Охрид.
OhridNews
