– Започнуваме една нова ера во движењето на Египќаните преку соработката со невладиниот сектор во Египет со што сметаме дека во иднина ќе реализираме успешни проекти, ќе разменуваме знаења, искуства, а предвидена е и културна и економска соработка, изјави Рубин Земон од Сојузот на Балканските Египќани.
На свеченоста присуствуваа и претставници од невладината организација од Египет, „Еден свет“.
– Среќни сме што се запознавме со членовите на Сојузот на Балкански Египќани. Намерата ни беше од нив да научиме повеќе за Балканот, состојбата на Египќаните тука како и за останатите малцинства, затоа што тоа едно искуство повеќе. Убаво е да се знае дека нашите предци дошле тука на Балканот, рече Џихан Абузит од организацијата од Еѓипет.
Таа потенцира дека е задоволна од големото гостопримство на домаќините и воопшто на жителите со кои имала можност да се сретне. Изрази надеж дека соработката со Сојузот на Египќани ќе продолжи успешно и понатаму .
