Приговорот кој Амак СП го достави до судиската комисија на Кошаркарската федерација на Македонија за да го поништи дуелот кој го добија гостите е одбиен.

Комесарот за натпреварување Томе Димишковски вели дека работата е завршена и оти нема шанси за преигрување на мечот.

– За лошо судење нема шанса да се поништи натпревар. Во вакви случаи кога клубот е незадоволен од арбитрите, може да се казнат само судиите, а не да се преигра средбата. Преигрување може да има само ако на дуелот има прекин, ако биде прекинат поради виша сила или ако има материјална повреда на правила. Во овој случај, такво нешто нема – вели комесарот.

Во приговорот Амак СП се жалеше на  некоректното, непрофесионалното и тенденциозно судење на Зоран Златевски и Петар Денковски.

М.П.