Претседателот на Собранието на Република Македонија, Трајко Вељаноски, на денешната четврта пленарна седница донесе одлука да го одложи констатирањето на оставките на пратениците од опозицијата со цел, како што истакна, да се остави простор за политички дијалог меѓу партиите.
Вељаноски констатирањето на оставките го одложи на неопределено време и истакна дека за нејзиното продолжение ќе даде дополнително известување.
Според Вељаноски, Македонија мора да продолжи со силно темпо да ги реализира целите за натамошен развој на односите со ЕУ и НАТО, без оглед на политичките разлики, а за тоа, како што рече, потребна е сплотеност и заедно дејствување.
Во меѓувреме од Комисијата за мандати и именување, неофицијално информираа дека двете пратенички Солза Грчева и Љубица Буралиева до архивата на Собранието поднеле барање за повлекување на оставките.
OhridNews
извор Макфакс
