Администрацијата за храна и лекови на САД го одобри првиот лек што се покажа ефикасен во смалувањето на ризикот од инфекција со ХИВ, пренесува „Макфакс“.
Станува збор за апчето Трувада, кое би можеле да го користат лицата кај кои постои висок ризик од зараза со вирусот на ХИВ.
Одлуката следеше за помалку од две недели откако агенцијата го одобри првиот ХИВ тест што Американците можат да го купат и да го користат во своите домови.
Иако ова е позитивен чекор, апчето Трувада најверојатно ќе биде недостапно за многу луѓе кои немаат здравствено осигурување. Имено, како што е соопштено, апчето ќе се продава по цена од 14.000 долари. 
OhridNews
извор:„Макфакс“