Досегашниот директор на Царинската управа Ѓоко Танасоски без образложение е разрешен од функцијата, на денешната седница на Владата. На негово место за вршител на должноста директор е назначен поранешниот министер за транспорт и врски Горан Сугарески, соопшти Владата, без притоа да бидат изнесени детали за промената.
Танасоски беше еден од ретките кадри од Охрид на јавна функција на централно ниво. OhridNews неофицијално дознава дека тој не бил воопшто информиран за смената и за истата разбрал од медиумите.
На денешната 38-ма седница Владата ја прифати и оставката на досегашниот директор на Националниот парк Галичица, Васко Паскали кој во иднина ќе извршува нотарска служба. На негово место за нов директор на јавната установа е назначен ресенчанецот Александар Миљовски.
Г.М.
