Погребот на прерано починатиот фотограф и продуцент Кристијан Љушев, кој го загуби животот во трагичен настан што се случи вчера во станбена зграда во изградба, ќе се одржи на 14 јануари, среда, информира неговото семејство.
28-годишниот Кристијан и припаѓаше на новата генерација креативци и зад себе остави бројни проекти кои допреа до широка публика. Работеше активно во различни сфери, од реклами до документарни филмови. Автор е на бројни видео спотови за музичари, а работеше и на интернационални проекти. Соработуваше со Александар Јосифоски, Мартин Милески, Влатко Броз и Марама и многу други.
Ги бележеше традициопналните настани и случувања во Охрид и регионот, а учествуваше и во проекти за Бигорскиот манастир.
Веста за смртта на младиот Кристијан Љушев со неверување одекна во заедницата. Од него се простуваат блиските и пријателите кои се во шок по веста за трагичниот настан.
Тие ќе се простат од Кристијан од капелата на градските гробишта во Охрид, утре, 14 јануари, од 12 до 12:30 часот, по што тој ќе биде испратен кон вечното почивалиште.
, OhridNews
