Стадионот на актуелниот македонски шампион, прилепска Победа “Гоце Делчев“, охриѓани го пријавија во ФФМ како домашен за натпреварот од првото коло во продолжението на шамионатот.
Поради суспензијата на Билјанини, по изречената казна од два натпревари неиграње пред своите гледачи, ФК Охрид како домаќин Брегалница ќе ја пречека во Прилеп.
Дали ќе го паметат по добро ??
За ФК Охрид ова е втора казна во овогодинешниот шампионат. По првиот инцидент беа казнети со играње два меча пред празни трибини. Поради физичкиот напад на судијата Дејан Јакимовски, по загубениот меч со Нов Милениум (1-3) од последното есенско коло суспендиран е теренот на Билјанини.
За разлика од Охрид, прволигашите Ренова и Башкими, поради физички напад на судиите, натпреварите ќе ги играат зад затворени врати.
