Деновиве Државниот завод за статистика ги објави информациите за бројот на туристи и остварени ноќевања во месец март 2013. Најголем број од вкупно 34.495 туристи колку што во март ја посетиле земјава, престојувле во Скопје. Главниот град е водечка туристичка дестинација во Македонија со остварен најголем број ноќевања.
Скопје, кој веќе има неколку елитни сместувачки капацитети, наскоро ќе влезе и во ланецот на познатиот светски хотелски бренд „Хилтон“. Според најaвите „Хилтон“ ќе гради хотел со 170 соби во населбата Аеродром, чијa вредност се проценува на околу 30 милиони евра. Во тек е изградба на хотелот „Мериот“ во строгиот центaр на градот, а влез во метрополата најави и францускиот хотелски бренд „Ибис“.
Повеќе или помалку дел од големите хотелски брендови со години беа поврзувани со Охрид, но до сега неуспешно завршија сите обиди за прoдажба на понудените атрактивни локации од државата за изградба на елитен хотел покрај Охридското Езеро.
OhridNews
