Претпладнево во малата сала на СРЦ „Атина Бојаџи“ свечено во употреба беше пуштена вештачка карпа на која ќе се врши обука на членовите на Единиците за спасување на планина и непристапни терени.
– Алпинистичкиот клуб Патагонија и Црвениот крст, подолго време имаа идеја да се изработи оваа карпа. Со подршка од локалната самооуправа како и неколку приватни фирми, АД ЕМО Охрид кој ни помогна околу изработка на конструкцијата како и фирмата “Адвентурс“ која ни обезбеди солиден попуст за да ја докомплетираме опремата, успеавме да ја реализираме замислата – истакна Антонио Додевски од “Црвениот Крст“
Вештачката карпа која првенствено ќе биде наменета за потребите на алпинистичкото друштво Патагонија, ќе биде отворена за сите реакреативци кои имаат желба да го развиваат спортскиот дух и да се дружат со спортистите.
– Овој спорт во светот е во подем и очекуваме кај нас да земе се поголем замав – заврши Додевски.
М.Постоловски
