На денешен ден во 1941 година, борците на Првиот прилепски партизански одред извршија напад врз бугарската полициска станица во градот, на затворoт и на телефонско-телеграфската мрежа.
Со овој чин беше означен почетокот на востанието на Македонскиот народ против фашистичкиот окупатор, со цел за конечно осободување на земјата. На 12 октомври се огласија и истрелите на кумановските партизани. Почна четиригодишната крвава НОВ на Македонскиот народ за конечно ослободување на земјата која заврши со успех само во еден дел на Македонија.
11 Октомври, Денот на востанието на Македонскиот народ денеска со низа активности ќе биде одбележан и во Охрид. По тој повод делегации на општината, Сојузот на борците и институции ќе положат цвеќе пред спомен обележјата на народните херои од Втората светска војна.
OhridNews
