А.Д.МЕПСО изработи Студија за развој на преносната мрежа од 2010 до 2020 година во која се предвидува изградба на нова трафостаница во Охрид. Со овој проект за подолг период треба да се реши снабдувањето со електрична енергија на најголемиот туристички центар во земјата.
Со десетгодишната развојна стратегија, МЕПСО планира инвестиции во 18 проекти со вкупна вредност од 82,5 милиони евра до 2020 година. Покрај изградбата на нова трафостаница во Охрид, меѓу како позначајни се издвојуваат и изградбата на три далноводи со кои Македонија ќе се поврзе со Србија, со Косово и со Албанија и ревитализација на постоечката мрежа во источна и во централна Македонија како и во полошкиот регион.
OhridNews
