Офанзивецот Шериф Реџепи, голманот Стефан Ташкоски и дефанзивецот Душан Новичиќ уште една сезона ќе го носат дресот на „рибарите“, откако ставија потпис на договорот за едногодишна соработка со охридскиот фудбалски клуб.
Ташкоски и Новичиќ дел од Охрид се веќе неколку сезони додека Реџепи пристигна во зимскиот преоден рок од минатата сезона. Ташкоски ќе биде втор голман, Новичиќ поддршка за одбраната а Реџепи сигурно ќе биде потесниот избор за првите единаесет.
Со новите договори за Реџепи, Ташкоски и Новичиќ составот на Охрид ја комплетира екипата и во најскоро време ќе ги соопшти плановите за подготовките за новата сезона во Втората лига.
ФФМ го одреди датумот за почеток на сезоната во Втората лига. Мечевите во двете Втори лиги ќе стартуваат на 22 август.
OhridNews
