Охрид вечерва ќе биде домаќин на еден од најзначајните музички настани ова лето. Во клубот REBEL за првпат ќе настапи светската легенда на електронската музика SASHA, диџеј и продуцент кој повеќе од три децении е меѓу највлијателните имиња на светската progressive house и techno сцена.
Организаторите најавуваат незаборавно музичко доживување со врвна продукција, моќен звук и визуелни ефекти, какви што доликуваат на едно од најголемите имиња во електронската музика.
SASHA, чие вистинско име е Александар Пол Коу, е автор на безвременски хитови и ремикси, а со култната серија миксови „Northern Exposure“, реализирана заедно со John Digweed, остави неизбришлива трага во историјата на електронската музика. Во текот на кариерата настапувал на најголемите светски фестивали и клубови, а соработувал и ремиксирал за музички ѕвезди како Madonna, Moby и The Chemical Brothers.
Љубителите на електронската музика ќе имаат ретка можност во живо да проследат настап на артист од ваков светски ранг, во ноќ која најавува врвна атмосфера и музичко патување до раните утрински часови.
OhridNews
