Бродовите кои пловат на Охридското Езеро и Капетанијата на пристаништа од денеска за прв пат ќе бидат поврзани со радио врска. За таа цел на патничките бродови инсталираа радио станици, кои ќе биде поврзана во систем што ќе го опслужува диспечерска служба на Капетанијата на пристаништата, која ќе биде промовирана денеска.
Покрај патничките бродови, оваа одредба од правилникот за пловидба на сопствена иницијатива ќе ја почитуваат и два пловни објекти за научни цели на Хидробиолошкиот завод, а интерес пројавиле и сопственици на рекреативни чамци. Според капетанијата, вградувањето на радиостаници во бродовите ќе придонесе за зголемување на безбедноста во водниот сообраќај на Охридското Езеро, каде за врска сега се користат мобилните телефони.
