Охридскиот композитор Гоце Гаврилоски, втора година по ред освојува две награди во Русија, а овојпат со прво место се враќа од шестиот Меѓународен натпревар за композитори оддржан во Санкт Петербург.
Во конкуренција на 190 дела од различни земји ширум светот, во 4-тата категорија со назив „Експериментално хорско дело со современи музички изразни текстури“, Гаврилоски за хорското дело „Дај Дуни“ добива трето место, додека за композицијата „Мугри“ за мешан хор, охридскиот композитор го освојува златното одличје.
„Особена благодарност сакам да изразам кон моите професори: м-р Гоце Коларовски и д-р Тома Манчев, кои во текот на моите студии, а и подоцна, многу допринесоа за моето усовршување во полето на композицијата и оркестрацијата, личности кои со својата професионална и несебична континуирана поддршка подеднакво допринесоа за овие резултати.“ – вели Гаврилоски.
Инаку, на 3-ти мај во Хамбург Германија, композиторот Гоце Гавриловски ја имаше светската премиерна изведба на делото „Дај Дуни“- за сопран и пијано, на концеротот насловен како „Балканските ритмови – културни празници“.
OhridNews
