Судовите во 2013 година биле ефикасни и ажурни. Приливот на предмети не го совладале само Вишиот управен суд и основните судови во Охрид и во Штип, беше констатирано на проширената општа седница на Врховниот суд на која се разгледуваа извештаите за работата на судовите.
На седницата не присуствуваа министерот за правда Блерим Беџети и претседателката на Судскиот совет Александра Зафировска. Говорејќи за слабостите на Вишиот управен суд суд и несовладувањето на приливот на предмети, судијата известител Киро Здравев предложи мерки кои судот мора да ги спроведе во наредниот период. Претседателката на врховниот суд Лидија Неделковска се пожали на кадровска неекипираност на судовите.
Седницата на Врховсниот суд ќе трае два дена, по што ќе се донесат заклучоци за работата на судовите.
OhridNews
извор: Телма
