Охридските боксери од клубот „Алексо Огненовски”, браќата Христијан и Наум Стојаноски изминатиов викенд зедоа учество на силниот меѓународен турнир „Челична песница” во Ниш.
Христијан настапи во категоријата младинци до 54 килограми каде за противник го имаше српскиот првак Филип Станојевиќ. Во еден рамноправен надигрувачко тактички дуел Христијан беше тесно поразен од далеку поискусниот Станојевиќ, додека пак Наум во еден суперинтересен фајтерски дуел во категоријата сениори до 71 килограми го совлада, исто така, српскиот репрезентативец Џелјан Тоскиќ.
Охриѓани продолжуваат со подготовките за следните натпревари кои ги очекуваат до крајот на годината после кои во месец јануари ќе заминат на општи базични подготовки на Златибор припремајќи се за наредната сезона.
OhridNews
