Охридските и струшките пожарникари со дефиле и вежба ќе го одбележат Денот на пожарникарството

По повод Денот на пожарникарството во Република Македонија, денеска во Охрид се предвидени низа активности на локалните пожарникари од ТППЕ – Охрид.

Најпрвин ќе има дефиле на противпожарните возила низ улиците на  Охрид, по што професионалната противпожарна единица ќе ја презентира пред јавноста опремата со која располага. Веднаш потоа во салата во противпожарниот дом во Охрид ќе се оддржи свечен прием, по што е предвидена крводарителска акција на охридските пожарникари во Медицинскиот центар.

Денот на пожарникарите во Струга ќе биде одбележан со вежба „спасување на лица и имот од височини“, по што, исто така, ќе се одржи дефиле на противпожарните возила низ градот.

OhridNews